"Байер" марказий ҳимоячиси Жонатан Та аллақачон иккита таклифни рад этган.

28 ёшли футболчи 2025 йилда "доришунослар" сафини албатта тарк этади: у январда сотилади ёки мавсум охирида эркин агент сифатида кетади. Sport Bild хабарига кўра, Танинг вакиллари билан яқинда "Ювентус" ва "Интер" боғланишган - А Сериянинг иккала клуби ҳам рад жавобини олган. Немис Италияга кўчиб ўтишни режалаштирмаяпти, шунинг учун у бошқа вариантлардан бирини танлайди.

Манбага кўра, "Байер" ҳимояси етакчисига асосий даъвогарлар "Бавария" ва "Барселона" ҳисобланади. "Реал Мадрид" ҳам январь ойида марказий ҳимоясини кучайтириш имкониятларини ўрганиб, пойгага қўшилиши мумкин.