"Бавария" футболчиларнинг маоши бўйича харажатларни қисқартирмоқчи.Bayern & Germany нашри хабарига кўра, клуб келаси ёзда Лерой Сане, Кингсли Коман ёки Серж Гнабрини сотиши кутилмоқда. Ҳамма гап футболчиларнинг юқори маошида.
Йилига 20 миллион еврога яқин маош олаётган Сане клуб билан янги шартнома борасида музокаралар олиб бормоқда. "Бавария" 28 ёшли футболчининг маошини 25 фоизга камайтирмоқчи, аммо муроса топиш мумкинми ёки йўқми ҳозирча аниқ эмас. "Манчестер Юнайтед" ва "Арсенал" вингерга қизиқиш билдирмоқда.
Коман йилига 17 миллион евро маош олади. Франциялик футболчи "Бавария"дан кетишга тайёр, бироқ янги клубидан шундай маош сўрайди.
Гнабрига келсак, "Бавария" жорий мавсум бошида ўтказган ўйинларидан мамнун. 29 ёшли немиснинг Мюнхендаги келажаги унинг майдондаги муваффақиятига боғлиқ. Ҳозир Серж йилига 19 миллион евро маош олади.
