Преьмер-лиганинг сўнгги кунларда шов-шувли ҳакамига айланиб қолган Дэвид Кут Саудия Арабистонидан бошпана топиши мумкин.
Эслатиб ўтамиз, ҳакамлар корпуси ва FA ижтимоий тармоқларда тарқалган видеода "Ливерпуль" ва "қизиллар"нинг собиқ бош мураббийи Юрген Клоппни ҳақорат қилган Кутга нисбатан тергов ишларини бошлади.
42 ёшли Кут зудлик билан Премьер-лигада ҳакамлик қилишдан четлаштирилди ва халқаро танаффус вақтида терма жамоа ўйинларини бошқаришга бормади.
The Sun нашри хабарига кўра, Кут энди Премьер-лига ўйинларини бошқармаслигини аллақачон тан олган ва истеъфога чиқарилишидан олдин ўз хоҳиши билан кетишга тайёр.
Daily Mail эса Кут Саудия чемпионатида бошпана топиши мумкинлигини қўшимча қилди. Яқин Шарқда улар Англияда йилига 100 000 фунт маош оладиган ҳакамнинг обрўси ҳақида қайғурмайдилар.
Саудия лигаси ўз стандартларини ҳар томонлама яхшилаш устида ишлашда давом этмоқда ва юқори малакали ҳакамларни ёллаш ушбу стратегиянинг бир қисмидир.
