2025 йилнинг февраль ойида Хитойда 20 ёшгача футболчилар ўртасидаги Осиё кубоги мусобақаси бўлиб ўтади. Ўзбекистон ёшлар терма терма жамоаси гуруҳ босқичида Индонезия, Яман ва Эрон жамоаларига қарши баҳс олиб боради.
Айни пайтда вакилларимиз ўқув-машғулот йиғинлари орқали мазкур мусобақага тайёргарликни давом эттирмоқда. Бугун ЎФА раҳбарияти ёшлар жамоамиз билан учрашди. Унда жамоа олдида турган ушбу мусобақа ҳақида фикр билдирилар экан, Ўзбекистон турнирнинг амалдаги ғолиби эканлиги, терма жамоа бу гал ҳам мусобақада муносиб иштирок этган ҳолда Чилида ўтадиган Жаҳон чемпионатига йўлланмани қўлга киритиши зарурлиги таъкидланди. Бу борада ассоциацияси томонидан барча шароитлар ташкил этиб берилиши айтилди.
Ўз ўрнида жамоамизнинг бир қатор етакчи футболчилари ҳам фикрларини билдириб ўтишди. Мураббийлар штаби билан жамоанинг айни пайтдаги ҳолати ва тайёргарлик жараёни ҳақида суҳбатлашилди. Тиббий штабга футболчиларнинг соғлиги, тикланиши ва витаминизациялаш жараёни, шунингдек, футболчиларга юқори даражадаги тиббий ёрдам кўрсатиш амалиётини давом эттириш кўрсатмаси берди.
Эслатиб ўтамиз, жамоамиз 15, 18 ноябрь кунлари Осиё кубогининг яна бир иштирокчиси — Ироқ ёшлар жамоасига қарши назорат ўйинларида майдонга тушади.
