Инглиз футбол ҳаками Дэвид Кут сўнгги кунларда футбол жамоатчилигининг эътибор марказида. Бунга «Ливерпуль» ва Юрген Клоппни ҳақорат қилган видео тарқалгани сабаб бўлди. Англияда Кут суд муҳокамаси тугаллангунга қадар ўйинларда ишлашдан четлаштирилди. "The Sun" нашрининг хабар беришича, УЕФА ҳам Кутни вақтинчалик четлатган.
Вазият шундайки, иш Кутнинг ҳакамлик фаолиятини якунлашига қадар бориши мумкин.
Ҳатто унга маълум бир вақтда ишлашга рухсат беришса ҳам, обрўсини тиклашнинг иложи йўқ. Ҳакамлар учун бу жуда муҳим.
