«Манчестер Сити» турли мусобақаларда кетма-кет тўртта мағлубият аламини тотиб кўрди. Бу фонда «шаҳарликлар» футболчилари ва бош мураббий Хосеп Гвардиола ўртасида кескинлик юзага келди. Бу ҳақда "The Athletic" нашрига таяниб, "Transfer News Live" хабар бермоқда.
Айтиш жоизки, Гвардиоланинг «Манчестер Сити» билан амалдаги шартномаси 2024/2025 йилги мавсум охиригача амал қилади. Испаниялик мутахассиснинг келажаги ҳақидаги миш-мишлар матбуотда мунтазам равишда чиқиб туради. Афтидан, Хосеп ҳали якуний қарорга келмаган.
«Манчестер Сити» АПЛ доирасидаги навбатдаги ўйинини 23 ноябрь, шанба куни ўз майдонида «Тоттенхэм»га қарши ўтказади.
