Ҳужумчи Килиан Мбаппе ноябрь ойидаги йиғин учун Франция терма жамоасига чақирув олмади. Бу қарорга "уч рангли" ҳимоячиси Дайо Упамекано муносабат билдирди.
"Бизда қўрқув йўқ, лекин Килиан бу жамоа учун қилган ишларини унута олмаймиз. Биз унинг қўллаб-қувватлашини соғинамиз. У бизнинг сардоримиз эканлигини унутмаслигимиз керак. Умид қиламанки, у тез орада таркибимизга қайтиб келади. Ўйинлар жуда кўп. Биз одамлармиз ва психологик жиҳат биз учун жуда муҳим. Тафсилотларга кирмайман, лекин айтганимдек, Мбаппе тез орада терма жамоага қайтишига умид қиламан. У дўст, у супер ўйинчи. Мен унинг нималарга қодирлигини биламан" - деди Упамекано журналистларга.
