Доменико Тедеско Бельгия Тибо Куртуа билан боғлиқ вазият ҳақида гапирди.
Август ойида "Реал" дарвозабони Тедеско қўл остида Бельгия терма жамоасида ўйнамаслигини маълум қилганди. Ўтган июнь ойида дарвозабон ва мураббий ўртасида келишмовчиликлар юзага келган, натижада Куртуа кутилмаганда Эстония билан Евро-2024 саралаш ўйини олдидан жамоани тарк этганди.
HLN нашри хабарига кўра, Бельгия Қироллик футбол ассоциацияси бош директори Петер Виллемс Мадридда Куртуа билан учрашиб, унинг терма жамоага қайтиш имкониятини муҳокама қилган, бироқ дарвозабон ўз қарорини тасдиқлаган холос.
Ушбу маълумотга изоҳ бераркан, мураббий: "Унинг бунга ҳаққи бор", деди.
Аммо Тедесконинг айтишича, у ҳали ҳам дарвозабоннинг терма жамоага қайтишига қарши эмас.
"Аммо Тибо аниқ айтди: у ҳозирда мавжуд эмас", - деди Бельгия бош мураббийи.
