"Барселона" ярим ҳимоячиси Марк Касадо Испания терма жамоасига чақирилганига қандай муносабатда бўлганини айтиб берди.
21 ёшли футболчи Данияга қарши Миллатлар лигасининг навбатдаги ўйинида "қизил фурия" сафида дебют қилиши мумкин. Учрашув 15 ноябрь куни бўлиб ўтади.
"Мен терма жамоага чақирилганимга ишонмадим. Терма жамоага чақирилганим машаққатли меҳнатимнинг мукофотидир. Энди биз бу имкониятдан унумли фойдаланишимиз ва ундан баҳраманд бўлишимиз керак", - деди жорий мавсумда "Барселона" сафида 15 ўйинда 5 та голли узатмани амалга оширган Касадо.
