"Милан" ҳужумчиси Рафаэль Леау ўзига нисбатан билдирилган танқидлар ҳақида гапирди.
Ўтган ҳафтада португалиялик футболчи Чемпионлар лигасида "Реал"га қарши ажойиб ўйин ўтказди, аммо кейинги салбий изоҳлардан қочиб қутулмади.
Афсонавий "россонерилар"нинг собиқ ҳимоячиси, ҳозирда телевидение эксперти бўлиб ишлаётган Алессандро Костакурта Леауни фақат муҳим ўйинлардагина бор кучини беришда айблади.
"Албатта, мен бу фикрга қўшилмайман. Мен “Милан”да ажойиб мавсум ўтказдим, аммо бошқалар каби менинг ҳам ўз муаммоларим бор эди.
Янги мавсум эндигина бошланди. Қаранг, мен мукаммал футболчи эмаслигимни биламан, баъзида чиндан ҳам яхшироқ ўйнашим керак. Мен танқидлардан ҳайратда эмасман.
Мени яхшиланишга ёрдам берадиган одамлар қуршаб олишади ва улар мен тинглашим керак бўлган инсонлардир", - дея Леаунинг сўзларидан иқтибос келтиради Football Italia.
