Қатар миллий терма жамоаси бош мураббийи Маркес Лопес Ўзбекистонга қарши ўйин олдидан матбуот анжуманида иштирок этди.
"Биз бу ўйин қанчалик муҳимлигини биламиз ва ўзимиз хоҳлаган йўлдан бориш учун ғалаба қозонишимиз керак.
Мен ўйинчиларнинг маҳоратига ишонаман, машғулотларда руҳият юқори ва ҳамма шу муҳим баҳсга тайёр.
Биз Ўзбекистонни яхши ўргандик, улар билан Осиё Кубогида учрашганмиз ва уларнинг кучли ҳамда заиф томонларини биламиз. Бизнинг мақсадимиз эртага ғалаба қозониш", - деди испаниялик мутахассис.
Эслатиб ўтамиз, учрашув бугун Тошкент вақти билан 21:15 да старт олади.
