Каталониянинг "Барселона" клуби спорт директори лавозимини эгаллаб турган португалиялик функционер Деку Лиссабоннинг "Спортинг" клуби ҳужумчиси Виктор Дьёкереш билан шартнома имзоланиши ҳақида фикр билдирди.
"Дьёкереш - ажойиб футболчи, у "Спортинг" сафида кўп гол урган. Биз уни жуда яхши биламиз. Бироқ, бу бизнинг устувор вазифамиз эмас. "Барселона" ҳозирда Левандовски ўрнига футболчи ҳақида ўйламаяпти", - деди клуб расмийси.
26 ёшли швециялик форварднинг трансфер қиймати 70 миллион еврога баҳоланмоқда.
