Париж полицияси раҳбари Франция - Исроил учрашувида хавфсизлик ҳақида гапирди.

Аввалроқ Сен-Денида чап қанот партияси кўмагида Фаластин тарафдорлари намойиши ўтказилиши режалаштирилгани ҳақида хабар берилган эди.

Намойишдан мақсад, бошқа нарсалар қатори, Миллатлар лигаси ўйинини бекор қилишдир.

Агар “жамоат тартибини бузиш” таҳдиди юзага келса, Париж полицияси намойишни тақиқлаши керак.

“Ҳеч қандай таҳдид йўқ, лекин бу ҳали ҳам юқори хавфли ўйинлигича қолаверади. Айниқса Фаластин тарафдорлари томонидан намойишлар билан боғлиқ кескинликни кўрмоқдамиз. Шунинг учун биз максимал консентрацияни сақлашимиз керак.

Менинг раҳбарлигимдаги ички хавфсизлик кучларининг муносабати ниҳоятда кескин бўлади. Мен бу тартибсизликларни қўзғатмоқчи бўлганлар учун қатъий бўлишни истайман.

Намойиш мени ҳеч нарсадан ортиқ безовта қилмайди - бу митинг. Агар одамлар стадионга кира олмасалар, биз буни олдини оламиз", деди Лоран Нуньес.