«Барселона»нинг собиқ футболчиси Роналдиньо жамоанинг олдинги мураббийлари билан муносабатлари ҳақида фикр билдирди.

— «Барселона»нинг Европадаги гегемонлиги тугади деб ўйлайсизми?
— Йўқ, бундай деб ўйламаман. Жамоа деярли ҳар йили камида чемпионлар лигасининг ярим финалигача етиб бормоқда. Месси эса ҳамон дунёнинг энг яхши футболчиси.

— Жамоадан Гвардиола сабаб кетганингиз ростми?
— Йўқ. У ажойиб мураббий. «Бавария»ни бунданда кучайтирса, у учун хурсанд бўлардим.

— Қайси мураббий билан ишлаш сизга ёққан эди?
— Райкаард билан. У футболни ва ўйинчиларнинг характерини жуда яхши тушунарди. Унинг қўл остида жамоа техник ўйин кўрсата бошлади. Айнан унинг хизмати билан «Барселона» буюк жамоага айланди. У доим ўзининг профессионаллигини намойиш этарди ва бизга ҳурмат билан муносабатда бўларди»,- дея футболчининг сўзларидан иқтибос келтиради Sport.es.