“Ан-Наср” ва Португалия терма жамоаси ҳужумчиси Криштиану Роналду фаолиятини якунлаш ҳақидаги саволга жавоб берди.
"Мен шунчаки завқланишни хоҳлайман. Мен 40 ёшга тўлмоқчиман... Мен бундан роҳатланишни жуда хоҳлайман, мотивацияни ҳис қилсам, ўйнашда давом этаман. Ўзимда мотивация бўлмаган куни мен нафақага чиқаман", - дейди Роналду.
Жорий мавсумда Криштиану Роналду “Ан-Наср” сафида барча мусобақаларда 15 та ўйинда қатнашиб, ўнта гол ва 3 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар амал қилади.
