Португалия терма жамоаси ярим ҳимоячиси Бернарду Силва Миллатлар лигаси гуруҳ турнирида Польшага қарши кечган ўйинни сарҳисоб қилди (5:1).
«Гуруҳда биринчи ўринни эгаллашдан жуда хурсандман, бу бизнинг мақсадимиз эди. Биз вақтни жуда яхши ўтказдик, кўп гол урдик, шундай ўйнаётганимизда жамоамизни тўхтатиб бўлмайди. Учрашувнинг биринчи ярми анча ёмон бўлди, аммо иккинчи ярми жуда яхши ўтди ва биз ғалаба қозонганимиздан хурсандмиз. Биз Польшага ўзимиз хоҳлаганча босим ўтказа олмадик, аммо иккинчи бўлимда биз ҳаммасини тўғрилаб, вазиятни яхшилай олдик», - дея Силва сўзларини келтирмоқда УЕФА расмий сайти.
