Миллатлар лигаси гуруҳ босқичининг бешинчи тури доирасида Португалия терма жамоаси ўз уйида Польша терма жамоасини қабул қилди.
Роберто Мартинеснинг шогирдлари рақибини 5:1 ҳисобида мағлуб этишди. Ушбу баҳсда 39 ёшли ҳужумчи Криштиану Роналду иштирок этди. Португалиялик футболчи иккита голни ўз ҳисобига ёздириб қўйди. Дубль туфайли КриРо Миллатлар лигасининг жорий мавсуми тўпурарлар рўйхатида биринчи ўринга кўтарилди. У бешта ўйинда бешта гол урди. Словениялик Бенжамин Шешко ҳам худди шунча гол урди.
Гуруҳ босқичининг сўнгги турида Португалия терма жамоаси сафарда Хорватия терма жамоаси билан тўқнаш келади.
