"Ювентус" Милан Шкриньярни январь ойида бўлиб ўтадиган трансфер ойнасида қўлга киритишга жиддий эътибор қаратмоқда ва уни ҳимоя чизиғини кучайтириш учун асосий мақсад сифатида кўрган.
Словакиялик ҳимоячи "Интер"дан "ПСЖ"га катта умидлар билан қўшилди, бироқ Луис Энрике қўл остида жуда ҳам кам ўйин амалиётига эга бўлди.
TuttoJuve нашрининг хабар беришича, "Ювентус" спорт директори Криштиану Жунтоли музокаралар ҳақида оптимистик фикрда ва "ПСЖ" раҳбарияти билан яхши муносабатлар ўрнатган.
Туринликлар қишда Париж клубида ўйин амалиётисиз қолаётган Шкриньярни ижарага олишларига умид қилмоқда, аммо муаммо шундаки, футболчи йилига 10 миллион евро атрофидаги маош олади.
