«Манчестер Юнайтед»нинг собиқ ярим ҳимоячиси Поль Погба вақтинча собиқ клубига ўтади. Бу ҳақда журналист Саша Тавольери хабар берди.
Манбага кўра, Италиянинг «Ювентус» клуби билан шартномаси бекор қилингандан сўнг 31 ёшли Погба Каррингтондаги «Манчестер Юнайтед» базасида машғулот ўтказади. Қайд этилишича, француз у ерда янги клуб топмагунча қолади.
Эслатиб ўтамиз, Погба 2016 йилдан 2022 йилгача «Манчестер Юнайтед»нинг асосий жамоасида ўйнаган. Бу вақт ичида у барча турнирларни ҳисобга олган ҳолда 233 та ўйинда қатнашиб, 39 та гол урди ва 48 та голли узатмани амалга оширди.
