Нидерландия терма жамоаси марказий ҳимоячиси Виржил ван Дейк Адам Салаи билан боғлиқ вазият ҳақида гапирди.
Ҳозирда Венгрия терма жамоаси мураббийлар штабида ишлаётган собиқ ҳужумчи Миллатлар лигаси доирасида Нидерландия билан ўйин бошида ўзини ноқулай ҳис қилди.
Мураббийга шифокорлар ёрдам кўрсатган пайтда ўйин тўхтатилди. Кейинчалик маълум бўлишича, Салаи касалхонага ётқизилган, аҳволи барқарор.
"Ўша пайт қўрқинчли эди. Мен Собослаидан Сзалаи билан бундан олдин ҳам шундай бўлганми, деб сўрадим ва у бундан олдин ҳам бўлган деб жавоб берди.
Воқеадан кейин учрашувни давом эттиришга қарор қилган Венгрия терма жамоаси футболчиларига катта ҳурматимни билдираман. Бу уларнинг кучидан далолат беради", - дея Нидерландия сардорининг сўзларидан иқтибос келтиради TheEuropeanLad.
