Машҳур собиқ ҳужумчи, ҳозирда мураббий бўлиб ишлаётган Робин ван Перси Лондоннинг "Арсенал"ига йўл унинг учун ёпиқ, деб ҳисоблайди.
41 ёшли мутахассис ҳозирда ўз ватанида "Херенвен"ни бошқармоқда. Мураббийлик истиқболлари ҳақида гапирар экан, нидерландиялик футболчи “Арсенал”га ҳеч қачон қайтиб кела олмаслигини тан олди.
"Арсенал"да ишлайман деб ўйламайман. Ўтмишда "Манчестер Юнайтед"га ўтганим туфайли бу йўл менга ёпилгандек туюлади.
Футболда нима бўлишини ҳеч қачон аниқ билмайсиз, лекин бу менинг фикрим. Бу "Арсенал" учун, айниқса мухлислар учун жуда нозик масала, лекин мен учун эмас", – деди Ван Перси.
