"Барселона" ва Американинг Nike компанияси ўртасидаги 10 ойлик музокаралардан сўнг шартномани 2038 йилгача узайтириш ҳақида қарор қабул қилинди. Амалдаги келишув 2028 йилда якунланиши керак эди. AS хабарига кўра, агар барча шартнома шартлари бажарилса, бу келишув "блауграна"га 14 йил давомида тахминан 1,7 миллиард евро олиб келиши керак.
Бироқ, 31 декабрдан кейин "Барселона" ҳали ҳам Даниэль Ольмо ва Пау Викторни рўйхатдан ўтказа олмайди. Гап шундаки, Nike билан тузилган шартномадан келадиган янги даромаддан клуб атиги 11 миллион евродан фойдалана олади, чунки маблағнинг катта қисми бу мавсум учун бюджетга ажратилган.
Ольмо шу ёзда Германиянинг "Лейпциг" жамоасидан "Барселона"га ўтган эди. Transfermarkt маълумотларига кўра, трансфер суммаси 55 миллион еврони ташкил қилган.
