"Реал Мадрид" жамоани испаниялик футболчилар билан кучайтирмоқчи.
Relevo хабарига кўра, "Реал Мадрид" раҳбарияти бир овоздан клубнинг Испания терма жамоаси ва мамлакат ички трансфер бозоридаги ўрнини тиклаш учун яқин вақт ичида кўпроқ испанияликлар билан шартнома имзолашни қўллаб-қувватламоқда.
Кейинги бир неча трансфер ойналарида "Реал" асосий эътиборини испаниялик футболчиларни ҳам, келажакда терма жамоага чақирилиши мумкин бўлган футболчиларни ҳам сотиб олишга қаратмоқчи.
Қайд этилишича, сўнгги бир неча йил ичида “Реал Мадрид” билан шартнома имзолаган кўплаб испаниялик футболчилар клуб раҳбариятининг умидларини оқламаган, бу эса клубнинг хорижлик футболчиларни сотиб олишга эътибор қаратишига сабаб бўлган.
Энди Испаниянинг Европа футболидаги мавқеи мустаҳкамланиб бораётгани фонида Мадрид клуби трансфер сиёсатини ўзгартириш ниятида. Эслатиб ўтамиз, ноябрь ойида "Реал Мадрид"нинг бирорта вакили Испания терма жамоасига чақирилгани йўқ.
