Бернарду Силва "Манчестер Сити" учун қийин давр ҳақида фикр билдирди.

Пеп Гвардиола жамоаси сўнгги тўртта ўйинда мағлуб бўлди - Англия лига кубогида "Тоттенхэм" (1:2), Чемпионлар лигасида "Спортинг" (1:4), Премьер-лигада "Брайтон" ва "Борнмут" (иккаласи 1:2).

“Бу танаффус биз учун яхши бўлди. Инкор қилмайлик: бу жамоамиз учун оғир дам бўлди. Фаолиятимда бундай бўлмаган (кетма-кет тўртта мағлубият).

Манчестердаги фаолиятим давомида кетма-кет иккита ўйинда мағлуб бўлганимизни ҳам эслай олмайман.

Танаффус яхши бўлди, чунки баъзи ўйинчилар жароҳатдан қайтишади ва биз мавсумнинг бу қисмида ўзимизни яна тиклашга тайёрмиз", - деди "Манчестер Сити" ярим ҳимоячиси.