Англия терма жамоаси сардори Харри Кейн жамоадошларини Томас Тухелнинг феъл-атвори ҳақида огоҳлантирди. Немис мутахассиси 2025 йилдан «уч шер»ларни бошқаради.

«Тухель, агар керак бўлса, можародан қочмайди. Менимча, у оммавий ахборот воситаларида жуда очиқ-ойдин гапиради. Аммо у ҳар доим футболчиларни ҳимоя қилади. У суҳбатларда анча тўғрисўз ва эҳтимол, баъзи ўйинчиларга бу ёқмаган ёки улар у билан келишмаган бўлиши мумкин. Балки март ойида ҳам айрим нарсаларга қўшилмайдиган яна ўйинчилар пайдо бўлар. Вақт кўрсатади, лекин мен у билан қайта ишлашни интиқлик билан кутяпман», - деди Кейн.

Харри Кейн ўтган мавсумда «Бавария»да Томас Тухель қўл остида тўп тепган.