"Ювентус" қишда бир нечта футболчилар билан хайрлашишга тайёр.
Tuttosport нашри хабарига кўра, таркибни кучайтириш учун туринликлар ҳозирги футболчилари билан хайрлашмоқчи. Улар 20 ёшли ярим ҳимоячи Самуэль Мбангулани "қурбонлик қилишлари" мумкин. Таъкидланишича, "бьянконерлар" бельгиялик футболчининг ўзи қолишни маъқул кўрса-да, 10 миллион евро миқдоридаги маблағни рад этмайди.
"Ювентус" Артурни ҳам қўйиб юборишга тайёр, шу жумладан ижарага, бу унинг юқори маошини тежаш имконини беради. Данилонинг кетиши ҳам мумкин, фақат қишда ҳимоя кучайтирилса.
