"Ливерпуль" Милош Керкезни сотиб олмоқчи.
Caught Offside нашри хабарига кўра, клуб "Борнмут" ҳимоячиси трансфери бўйича музокараларни бошлаган. "Қизиллар" клуб билан боғланишди ва 21 ёшли футболчи билан дастлабки алоқа ўрнатишга ҳам рухсат олишди.
"Ливерпул"нинг амалдаги спорт директори Ричард Хьюз футболчини "Борнмут"да ишлаган вақтида сотиб олган ва энди уни янги жамоасига ўтказишни режалаштирмоқда.
Таъкидланишича, "мерсисайдликлар" келажакда жамоада Эндрю Робертсон ва Костас Цимикас ўрнига ўринбосар изламоқда.
Relevo нашри хабарига кўра, венгриялик футболчига "Манчестер Юнайтед" ҳам қизиқиш билдирмоқда.
Transfermark чап қанот ҳимоячисини 20 миллион еврога баҳоламоқда. Жорий мавсумда Керкез Премьер-лигада 11 та ўйинда майдонга тушиб, 2 та голга ассистентлик қилди.
