Мюнхеннинг "Бавария" клуби ҳужумчиси Харри Кейн Англия терма жамоасининг янги бош мураббийи Томас Тухель уни терма жамоа сардори сифатида қолдириш-қолмаслигини ҳал қилишини айтди.

Кейн 2018 йилдан бери Англия терма жамоасида ўйнаб келмоқда, бироқ Харри ўтган пайшанба куни Грецияга қарши ўйинда захира ўриндиғида қолди ва сардорлик боғичини Кайл Уокерга топширишга мажбур бўлди.

Кейн ҳали сардор бўлиб қолишини ёки ҳатто Тухель қўл остида терма жамоада ўйнашини билмайди, бироқ Харри ҳозир ўзини энг яхши формада деб ҳис қилмоқда.

"Бу, шубҳасиз, Томаснинг қарори бўлади, лекин шахсан мен ўзимни ҳар доим форма ва маҳоратга қараб Англия терма жамоасига чақиришгандек ҳис қиламан.

Мен бу ерга фақат Англия терма жамоаси сардори бўлганим учун келганим йўқ. Якка тартибда ўзимнинг энг яхши мавсумимни ўтказдим ва йилни жуда яхши бошладим.

Агар яқинда яхши ўйнамаган бўлсам, бу баҳсли бўлиши мумкин эди. Лекин мен ўзимни клуб даражасидаги энг юқори чўққига чиққандек ҳис қиляпман ва якунда терма жамоа ўйнаш учун сизнинг клубдаги формангизга эътибор қаратилади.

Албатта, бу Томаснинг қарори бўлади. Лекин ҳар қандай ҳолатда ҳам мен ўз мамлакатим шарафини ҳимоя қилишдан доимо хурсанд бўламан", - деди Кейн ТalkSPORT нашрига.