Ли Карсли Англияда вақтинчалик мураббий сифатида фаолиятини якунлади.

Якшанба куни Англия терма жамоаси Миллатлар лигасининг сўнгги турида Ирландия устидан 5:0 ҳисобида ғалаба қозонди. Бу учрашув Карсли учун "уч шерлар"нинг бошқарувчи вазифасини бажарувчи сифатида сўнгги учрашув бўлди - январь ойидан бошлаб янги доимий мураббий Томас Тухель иш бошлайди.

Учрашув тугаганидан сўнг журналистлар Карслидан немис мураббийининг тез орада келиши ҳақида фикр билдиришни сўрашди: "Энди Англияда [жамоада ўйнашга тайёр] ўйинчилар кўпроқ. Мен Тухелга қанча ахборот керак бўлса, шунча маълумот бераман," - деди Карсли BBC билан суҳбатда.