Англия терма жамоасининг вақтинчалик бош мураббийи Ли Карсли ўз лавозимидаги сўнгги ўйинини ўтказди.

«Уч шерлар» ирландиялик рақибларини йирик ҳисобда (5:0) мағлуб этиб, А лигага чиқишга муваффақ бўлди.

«Кўплаб футболчиларимиз учун ажойиб кеча. Энг муҳими, биз режадагидек ўсишга эришдик.

Мен Англия терма жамоасининг ўйинини кузатиш қизиқарли бўлишини, ҳужум қилишини истардим. Мен буни ҳар куни машғулотларда кўрдим ва энди биз буни майдонда ҳам кўрдик. Бу давр (бош мураббий вазифасини бажарувчи сифатида ишлаш) менга ва мураббийлар штабига ишонч бағишлади», - деди Карсли «ITV»га берган интервьюсида.