Англия терма жамоаси сардори Харри Кейн Миллатлар лигасида Ирландия устидан қозонилган ғалабадан кейин журналистлар билан суҳбатлашди (5:0).

Инглизлар 5 та голнинг барчасини танаффусдан сўнг киритди. Биринчи гол муаллифи 53-дақиқада пенальтини аниқ амалга оширган Кейн бўлди.

«Бу ҳақиқатан ҳам муҳим ғалаба. Биз яхши йиғин ўтказдик, икки мураккаб ўйин ортда қолди. Бугун биз Грециядаги каби вазифани уддаладик. Биринчи тайм қийин бўлди, аммо танаффусда куч тўпладик ва ўз ишимизни қилдик. Биз янги келганларга имконият бериш қанчалик муҳимлиги ҳақида гаплашдик. Улар бу ерга шунчаки келмаганликларини кўрсатишди», - деди «ITV Sport» билан суҳбатда Кейн.