Норвегия терма жамоаси ҳужумчиси Эрлинг Холанд Миллатлар лигасининг "Қозоғистон"га қарши уй учрашувида қозонилган ғалаба ҳақидаги таассуротлари билан ўртоқлашди.
Ўйин 17 ноябрь куни Ослода бўлиб ўтди ва 5:0 ҳисобида мезбонлар фойдасига ҳал бўлди. Холанднинг ўзи учта гол уриб, ўзини кўрсатди.
"Бу ажойиб туйғу. Биз гуруҳда ғолиб чиқдик ва бу биз учун нимани англатишини майдонда кўришингиз мумкин эди. Ўйиндан ҳақиқий хурсандчилик ва завқ-шавқ бор эди. Шунчаки ажойиб," - деди Холанд Норвегия оммавий ахборот воситаларига.
