"Бавария"нинг ёш етакчиси Жамол Мусиала келажаги ҳақидаги саволга жавоб берди.
"Айни дамда бор эътиборимни Германия терма жамоаси ва “Бавария”га қаратганман. Биламан, кўплаб топ-клублар менинг ҳолатимни кузатиб боришмоқда. Лекин ўзимга кераксиз босим яратмаслик учун бу ҳақда ўйламасликка ҳаракат қиламан.
Мен учун формани сақлаб қолиш ва энг яхши ўйин кўрсатиш муҳим. Вазият тинчланса, мен келажак ҳақида ўйлай оламан. Ўйлайманки, қишки танаффусда нимадир маълум бўлади", - дея Мусиаладан иқтибос келтиради RND.
Мусиала хизматларига “Реал”, “Манчестер Сити” ва бошқа бир қатор Европа грандлари қизиқиш билдираётгани аввалроқ хабар қилинганди.
