Бельгия терма жамоаси Миллатлар лигасида ёмон ўйнади ва Франция (13 очко), Италия (13 очко) ва Исроил (4 очко) билан бир гуруҳда атиги 4 очко тўплади. Якшанба кунги исроилликлардан учралган мағлубиятдан сўнг (0:1) матбуот ва мухлислар Доменико Тедесконинг “қизил иблислар” бош мураббийлигидан кетиши мумкинлиги ҳақида гапира бошлашди.
Бироқ, Тедескони бўшатиш қимматга тушади. Журналистларнинг ижтимоий тармоқларда хабар беришича, Бельгия футбол федерацияси мураббийи билан хайрлашар экан, у 750 минг евро ва мураббийлар штабининг беш нафар аъзосига ишдан бўшатиш тўлови тўлаши керак бўлади.
