Ёзда "Тоттенхэм" ярим ҳимоячиси Родриго Бентанкур баҳсли баёнот билан чиқди.
Жамоадоши Хён Мин Сон ҳақида гапирар экан, Бентанкур корейсларни фарқлаш қийинлигини айтганди.
Уругвайлик футболчини дарҳол ирқчиликда айблашди, бироқ у жамоадошидан кечирим сўраган. ФА текширув ўтказди ва Бентанкур нотўғри хатти-ҳаракатлар, ҳақоратомуз сўзлар ва ўйинни обрўсизлантириш билан боғлиқ қоидаларни бузганлигини аниқлади.
Натижада, Бентанкурнинг дисквалификацияси анча узоқ давом этади - ички майдонда еттита ўйинни ўтказиб юбориш. Уругвайлик футболчи 100 минг фунт жарима ҳам тўлайди.
