Дани Бенитес гиёҳвандлик ҳақида гапирди.

"Гранада"нинг собиқ вингери 2014 йилда гиёҳвандлик моддаларни истеъмол қилган ҳолда ушланган. Ўйиндан сўнг ўтказилган допинг тестида футболчининг қонида кокаин борлиги аниқланган.

Интервьюда Бенитес бир пайтлар футбол уни хурсанд қилмаётганини, шунинг учун у спиртли ичимликлар ва кокаинга қарам бўлиб қолганини тан олди. У "Гранада" билан машғулот ўтказиш чоғида дори ишлатган.

“Мен кетаман ёки ўз жонимга қасд қиламан... Ёки тубдан ўзгарадиган куним келади.

Энг муҳими, ўзимни кечиришни ўрганиш керак эди. Ҳозир ҳам ёмон кун ўтказишим мумкин, аммо эртаси куни ўрнимдан туриб, энди барчасини ўзгартираман, дея сўз бераман", - деб эслади Бенитес.

Кўп йиллик терапия курсини ўтаган 37 ёшли футболчи Испания 3-дивизионидаги «Аренас Армилла» клубида ўйнайди.