Бугун, 18 ноябрь куни Лондонда Англия терма жамоаси ва “Бавария” клубининг 31 ёшли ҳужумчиси Харри Кейн шарафига ўрнатилган ҳайкал очилди.

Ҳайкалнинг очилиши Лондондаги машғулотлар марказларидан бири яқинида бўлиб ўтди, у ерда Кейн 6 ёшли болалигида футболчилик фаолиятини бошлаган.

"Ушбу ёдгорлик очилиши билан футбол ҳаётим бошланган жойга қайтиш - чинакам шараф. Умид қиламанки, бу келажак авлодни меҳнаткашликка ва ўзига ишонишга илҳомлантиради", - деб ёзди Харри Кейн ижтимоий тармоқда.

Харри Кейн Англия терма жамоаси тарихидаги энг яхши тўпурар бўлиб, "уч шерлар" сафида 103 ўйинда 69 та гол урган.