Поль Погба яқинда "Ювентус" билан шартномасини бекор қилди. Допинг ҳақидаги воқеадан сўнг франциялик футболчи фаолиятини бошқа клубда жонлантиришга умид қилмоқда. Шу билан бирга, Погба ҳозирда МЛС каби вариантларни кўриб чиқмаяпти.
ESPN хабарига кўра, 31 ёшли франциялик футболчи Европанинг топ-5 лигаларидан бирида ўйнашни хоҳлайди. Қайд этилишича, Погба Франция терма жамоасига қайтишга қарор қилган. Шу боис у ўйинни юқори савияда давом эттирмоқчи.
Европанинг бир қанча клублари Полнинг агенти билан боғланишган. Поль Погбанинг допинг тақиқи март ойида тугайди. Ярим ҳимоячи январ ойида жамоалар билан машғулотларни давом эттириши мумкин бўлади.
