Германиялик теннисчилар Кевин Кравьец ва Тим Пютц Италиянинг Турин шаҳрида ўтказилган йилнинг Якуний ATP турнири бош совринини қўлга киритди.
Улар ҳал қилувчи финал учрашувида сальвадорлик Марсело Аревало ҳамда хорватиялик Мате Павич ҳамкорлигини мағлуб этишди - 7/6(5), 7/6(6). Иккала сет ғолиби ҳам тай-брекда аниқланди.
Тўқсон тўққиз дақиқа давом этган баҳсда Кравьец/Пютц 4, Аревало/Павич 6 та эйс зарбасини амалга оширган. Ҳеч бир жуфтлик брейкдан фойдалана олмади. Кравьец ва Пютц 1300 рейтинг очкоси ва 862,700 АҚШ долларига эга бўлишди.
