Испания терма жамоаси бош мураббийи Луис де ла Фуэнте Миллатлар лигаси доирасида Швейцария устидан 3:2 ҳисобида ғалаба қозонганидан сўнг журналистлар билан суҳбатлашди.
"Биз мамнунмиз. Биз футболда қандай рақобат бўлишини биламиз ва Швейцария каби кучли рақиб устидан қозонилган ғалабани қадрлашимиз керак.
Мен янги ўйинчиларимизга қойил қолишдан чарчамайман. Биз уларга ўзларини қулай ҳис қилишлари ва энг яхши фазилатларни намоён қилишларига ёрдам берамиз. Биз уларга тезда ғояларни етказишимиз керак, лекин бу осон, чунки улар жуда яхши.
Испания терма жамоасининг ажойиб бугуни ва ажойиб келажаги бор. Бу футболчиларга шунчаки ўйнашга имкон бериш керак - шунда улар янада яхши бўлади. Рақобат фақат мотивацияни оширади," - дея де ла Фуэнтедан иқтибос келтиради AS.
