Славен Билич Криштиану Роналдуни Португалия тарихидаги энг буюк спортчи деб атади.
"Саудия Арабистони жуда ақлли қарор қабул қилди. Улар қанча меҳмонхона ёки дам олиш маскани бўлишидан қатъи назар, мамлакатни танитишнинг энг яхши йўли футбол эканлигини, айниқса, Криштианудек юлдуз ёрдамида эканини англаб етди. Ва улар муваффақиятга эришадилар. Бу ўсиб бораётган яхши лига.
У ҳақида нима дея оласиз? У Португалия тарихидаги энг буюк спортчи. У ҳар доим тарихдаги энг яхшилари ҳақида суҳбатларда тилга олинади. Кимгадир Месси кўпроқ ёқса, бошқаларга Роналду ёқади. Криштиано энг зўр бўлмаслиги мумкин, лекин у ажойиб.
Одамлар унинг иқтидори йўқ, ҳамма нарсага фақат меҳнат билан эришган дейишса, бу аҳмоқлик. Буни фақат футбол нималигини билмайдиган одамлар айтиши мумкин", — деди мураббий.
