"Манчестер Юнайтед" ҳозирда "Наполи"дан ижара асосида "Галатасарой"да ўйнаётган ҳужумчи Виктор Осимхенни ўз сафига қўшиб олмоқчи, деб хабар беради Calcio Napoli 24.
Манба берган хабарга кўра, "Манчестер Юнайтед" "Наполи" билан келишувга эришиб, Осимхенни сотиб олиш учун 30 миллион евро ва ҳужумчи Жошуа Зиркзеени таклиф қилиши мумкин.
Унинг "Наполи" билан амалдаги шартномасида товон пули 75 миллион евро кўрсатилган.
Қайд этилишича, футболчининг маоши «Манчестер Юнайтед» учун муаммо бўлиши мумкин, чунки у ҳозирда мавсум учун тахминан 11 миллион евро маош олади.
Шунингдек, "Наполи"га фақат пул керак, Италия клуби ўйинчиларни алмаштиришдан манфаатдор эмас.
