Бразилия терма жамоаси ҳимоячиси Маркиньос терма жамоанинг унчалик омадсиз натижалари фонида мухлисларга мурожаат қилди. Айни дамда бразилияликлар 11 ўйиндан 17 очко жамғариб, 2026 йилги жаҳон чемпионатига КОНМEБОЛ саралаш турнирида тўртинчи ўринда бормоқда.
"Кўряпмизки, кўпчилик терма жамоани қўллаб-қувватлаяпти, шунинг учун бу иштиёқни йўқотманг. Бу Бразилия ва биз Селеcао футболчилари учун бу ерда бўлиш катта шараф.
Биз ҳар доим бир-биримизга ўрнак бўлиш, суҳбатлашиш, учрашувларда қатнашиш, фикр ва мулоҳазаларни билдириш орқали қўлимиздан келганча ёрдам беришга ҳаракат қиламиз. Қўлдан келганча ролимизни ўйнашга ҳаракат қиламиз. Масалан, Данило ўйнамади, лекин у захира ўриндиғида ва кундалик ҳаётда, машғулотлар ва учрашувларда жуда фаол эди", - дея Маркиньоснинг сўзларидан иқтибос келтиради терма жамоа матбуот хизмати расмий сайтида.
