ОАВ хабарига кўра, "Ювентус" "Лион"нинг грузиялик марказий ҳужумчиси Жорж Микаутадзени сотиб олмоқчи. Франция клуби қуйи лигага тушиб кетмаслик учун футболчилардан қутулиши керак.
Турин клуби аввалроқ Душан Влаҳовичнинг ҳолати билан боғлиқ ноаниқлик туфайли "Манчестер Юнайтед" аъзоси Жошуа Зиркзее ва "Лилль" аъзоси Жонатан Дэвид билан қизиқаётган эди.
Жорж Микаутадзе шу ёзда “Лион” сафига қўшилди. Грузиялик ҳужумчи 2028 йилнинг ёзига қадар меҳнат шартномаси имзолади. Жорий мавсумда футболчи француз клуби сафида барча турнирларда 14 та ўйин ўтказди. Уларда у иккита гол ва битта голли узатмани қайд этди.
