Нидерландия терма жамоаси бош мураббийи Рональд Куман 2024 йил якунларини сарҳисоб қилди. "Апелсинлар" Миллатлар лигаси гуруҳида иккинчи ўринни эгаллади.
Турнир аҳамиятини йўқотган сўнгги тур учрашувида Нидерландия Босния ва Герцеговина билан дуранг ўйнади (1:1). Ёзда Куман шогирдлари Европа чемпионатининг ярим финалига қадар етиб борган ва у ерда Англияга имкониятни бой берганди (1:2).
"Бу ақл бовар қилмайдиган йил бўлди. Биз Евронинг ярим финалига чиқдик, Миллатлар лигасининг чорак финалига йўлланма олдик – бундан ортиқ талаб қила олмасдик", деди мураббий.
