19 ноябрь, сешанба куни Украина терма жамоаси Миллатлар лигаси доирасидаги ўйинда Албания устидан 2:1 ҳисобида ғалаба қозонди.
Учрашувдаги биринчи гол 5-дақиқада украиналик футболчи, Александр Зинченко томонидан киритилди.
Гол урганидан сўнг Зинченко махсус тайёрланган 1000 рақамли футболкани намойиш этди. Россия Украинада махсус ҳарбий операция бошлаган 2022 йилнинг 24 февралидан буён роппа-роса шунча кун ўтди.
"Бу вақт давомида ва ҳозир ҳам барча украиналиклар учун қанчалик оғир бўлганини тушунаман, шунинг учун голни украиналикларга бағишламоқчиман. Ишончим комилки, тинчлик тез орада келади ва ҳаммамиз аввалгидек яшаймиз. Бу бутун жамоанинг ташаббуси эди, чунки биз қайси кун эканлигини тушунамиз", — деди Зинченко.
