«Манчестер Сити» яқин келажакда Хосеп Гвардиола билан шартномани узайтиришини эълон қилиши керак. Аввалроқ матбуот «шаҳарликлар» испаниялик мутахассис билан 2025/2026 йилги мавсум охиригача мўлжалланган меҳнат шартномасини келишиб олгани ҳақида ёзган эди. Унда яна бир йил узайтириш имконияти мавжуд.
«The Guardian» нашрининг ёзишича, Гвардиоланинг янги шартномасида «Манчестер Сити» Премьер-лигадан қуйи лигага тушириб юборилган тақдирда бекор қилиш варианти ёзилмаган. Агар клуб молиявий қоидаларни бузгани учун қаттиқ жазоланса, испаниялик ўз лавозимида ишлашда давом этади.
«Манчестер Сити» ҳозирда Премьер-лига турнир жадвалида иккинчи ўринда.
