ФИФА кунлари доирасида Суперлига жамоаларида тўп тепувчи легионерлар ўз терма жамоалари сафида майдонга тушди.

Владимир Йовович ("Сўғдиёна") Черногория сафида Миллатлар лигаси доирасида Исландияга қарши 90 дақиқа ҳаракат қилди.

"Насаф"нинг Жанубий суданлик легионери Валентино Юел эса Конго билан баҳсда бир тайм ўйнади.

Жоэл Кожо ("Динамо") ЖЧ-2026 саралаш босқичи доирасида Қирғиз Республикаси таркибида БАА ва Эронга қарши учрашувлар ўтказди ҳамда форслар билан беллашувда дублга эришди.

Шаҳром Самиев ("Андижон") Тожикистон сафида Афғонистонга қарши ўртоқлик ўйинида гол киритишга эришди.

Андижоннинг суриялик дарвозабони Максим Сарраф эса Россияга қарши баҳс учун терма жамоадан чақирув олди.