"Аталанта" марказий ярим ҳимоячиси Эдерсон Лоуренсо қишки трансфер ойнасида клубини ўзгартириши мумкин.
Calciomercato хабарига кўра, бразилиялик футболчига "Манчестер Сити", "ПСЖ" ва "Ювентус" клублари қизиқиш билдирмоқда. Қайд этилишича, "Аталанта" 60 миллион евро эвазига ўз етакчиларидан бири билан хайрлашишга тайёр.
25 ёшли Эдерсон жорий мавсумда "Аталанта"нинг 17 та ўйинида қатнашиб, битта гол ва битта голли узатмани амалга оширди. Ярим ҳимоячининг итальян клуби билан амалдаги шартномаси 2027 йилнинг 30 июнига қадар амал қилади.
