"Реал Мадрид" ҳимоячиларнинг жароҳатлари туфайли юзага келган кадрлар билан боғлиқ қийинчиликларни ҳал қилмоқда.
Яқинда хочсимон боғламнинг узилиши туфайли Эдер Милитао сафдан чиқди, шунингдек, лазаретда Давид Алаба ва Даниэл Карвахаль ҳам бор. The Athletic хабарига кўра, Ла Лиганинг "Леганес"га қарши бўлажак ўйинида Карло Анчелотти Антонио Рюдигер ва Раул Асенсиога ишонмоқчи. 21 ёшли испаниялик учун бу ўйин "қаймоқранглилар"нинг асосий жамоаси учун иккинчи ўйин бўлади - у "Осасуна" билан ўтган ўйинда (4:0) дебют қилган эди.
"Реал"нинг "Леганес" билан сафар учрашуви 24 ноябрь, якшанба куни бўлиб ўтади.
